22-юми марти соли 2023 бо ибтикори ноҳияи Шоҳмансури шаҳри Душанбе дар назди театри Опера ва балети ба номи Садриддин Айнӣ чорабинии сатҳи баланд ба муносибати Наврӯзи байналмилалӣ баргузор гардид.
Дар ин чорабинӣ маҳаллаҳо ва муассисаҳои таълимии ҳудуди ноҳияи Шоҳмансур дастархони Наврӯзӣ ороста, ҳунару маҳорату малакаи худро ба маърази тамошо гузоштанд.
Кормандон ва донишҷӯёни Коллеҷи омӯзгории ба номи Хосият Махсумоваи ДДОТ ба номи Садриддин Айнӣ низ дар баробари намояндагони дигар муассисаҳо дар даромадгоҳи базмгоҳ дастархони Наврӯзӣ ороста, меҳмононро бо либосҳои тоҷиконаи наврӯзӣ пешвоз гирифтанд.
Ҳамзамон, барои дар сатҳи баланд баргузории қисмати фарҳангии чорабинӣ 180 нафар донишҷӯёни Коллеҷ фаъолона ширкат варзида, ҳунару маҳорат ва истеъдоди худро нишон доданд.
