Бахшида ба 78-умин солгарди Рӯзи ғалаба дар Коллеҷи омӯзгории ба номи Хосият Махсумоваи ДДОТ ба номи Садриддин Айнӣ чорабинии идона бо иштироки директори таълимгоҳ, дотсент Зоир Ғафурӣ дар сатҳи баланд баргузор гардид.
Зоир Ғафурӣ ҳозиринро ба муносибати Рӯзи
Ғалаба табрик гуфта, аз хизматҳои бузурги фарзандони қаҳрамони тоҷик дар пирӯзии ҷанг ёдовар шуда, ба онҳо саломативу сарбаландӣ, хотири шод, рӯзгори обод ва барои кишвари азизамон Тоҷикистони соҳибистиқлол сулҳу суботи ҳамешагӣ ва ваҳдати ҷовидона орзу намуд.
Зикр шуд, ки қаҳрамониву ҷонфидоиҳои фарзандони миллати тоҷик абадан дар саҳифаҳои таърихи ҷаҳон сабт гардида, намунаи ибрат барои дигарон аст.
Дар идома бахши фарҳанги Коллеҷ бо донишҷӯёни соҳибистеъдоди факултетҳо бо пешниҳоди шеъру суруд ва рақсҳои миллии тоҷикона чорабиниро шукуҳи дигар бахшиданд.
