Дар асоси нақшаи тасдиқнамудаи раёсати Коллеҷи омӯзгории ба номи Хосият Махсумоваи ДДОТ ба номи Садриддин Айнӣ аз 16-ум то 21-уми январи соли 2023 ҷиҳатии татбиқи Қонуни Ҷумҳурии Тоҷикистон “Дар бораи забони давлатии Ҷумҳурии Тоҷикистон” ва риояи Қоидаҳои имлои забони тоҷикӣ дар навишт ва раванди коргузорӣ аз ҷониби омӯзгорони кафедраи забон ва адабиёти тоҷик Мукаррама Муродзода ва Манижа Сафаралиева ба омӯзгорони кафедраҳо машғулиятҳои омӯзишӣ ташкил карда шудааст, ки тибқи ҷадвал баргузор мегарданд.
Мавриди зикр аст, ки дар машғулиятҳо аз ҷониби омӯзгорони дарсдиҳанда Қоидаҳои нави имлои забони тоҷикӣ, ки аз тарафи Кумитаи забон ва истилоҳоти назди Ҳукумати Ҷумҳурии Тоҷикистон пешниҳод гардидаанд, мавриди омӯзиши амиқ қарор дода шудаанд.
Ба андешаи иштирокчиёни семинари омӯзишӣ иқдоми раёсати Коллеҷ саривақтӣ ва муҳим буда, барои боз ҳам баланд бардоштани мақоми забони давлатӣ ва донишу маърифати забондонии омӯзгорон мусоидаткунанда аст.
