Дар Коллеҷи омӯзгории ба номи Хосият Махсумоваи ДДОТ ба номи Садриддин Айнӣ 14-уми апрели соли 2023 ҷиҳати муаррифии дастовардҳои Коллеҷ ва имконоти мавҷуда барои таҳсил дар он Рӯзи дарҳои боз баргузор гардид.
Дар ин рӯз хатмкунандагони зинаи таҳсилоти асосӣ, яъне синфҳои 9 ва зинаи таҳсилоти болоӣ – синфҳои 11- и муассисаҳои таҳсилоти миёнаи пойтахт ширкат варзиданд.
Нахуст, субҳи барвақт, сардори раёсати муассисаҳои таҳсилоти ибтидоӣ ва миёнаи касбии Вазорати маориф ва илми Ҷумҳурии Тоҷикистон Довуд Ализода ва директори таълимгоҳ номзади илмҳои филологӣ, дотсент Ғафурӣ Зоир Саъдулло аз раванди омодагӣ ба Рӯзи дарҳои боз, шарту шароитҳои хобгоҳ, фаъолияти лабораторияҳо, синфхонаҳои фаннӣ, китобхона ва дигар сохторҳои дар назди парки технологии Коллеҷ фаъолият кардаистода дидан намуданд.
Дар раванди баргузории чорабинии мазкур дастоварди донишҷӯёну омӯзгорони муассиса ба маърази тамошо гузошта шуд.
Довталабон – хатмкардагони муассисаҳои таҳсилоти миёнаи шаҳри Душанбе изҳор доштанд, ки пас аз хатми муассисаашон Коллеҷи омӯзгории ба номи Хосият Махсумоваи ДДОТ ба номи Садриддин Айнӣ ро интихоб менамоянд.
